Սմայլները և կարճ հաղորդագրությունները սահմանափակված են, որպեսզի չխանգարեն խաղի ընթացքին: Սովորական խաղացողը յուրաքանչյուր ռաունդում կարող է ուղարկել սմայլ կամ հաղորդագրություն միայն 1 անգամ: VIP խաղացողները կարող են օգտվել սմայլներից և հաղորդագրություններից առանց սահմանափակման:

Յուրաքանչյուր խաղացող ունի իր ռեյտինգը խաղում: Ավելի բարձր ռեյտինգի հասնելու համար անհրաժեշտ է պարզապես խաղալ բլոտ և ավարտին հասցնել խաղը: Հաղթելու դեպքում ռեյտինգը ավելի արագ է բարձրանում, պարտվելու դեպքում՝ դանդաղ: Խաղը կիսատ թողնելու և լքելու դեպքում խաղացողի ռեյտինգում փոփոխություն տեղի չի ունենում: Ռեյտինգի բարձրացման դեպքում խաղացողին սպասվում է պարգև՝ չիպերի տեսքով:

Խաղում կա 3 խաղամակարդակ՝ Նորեկ, Սիրող և Պրոֆեսիոնալ: Նորեկը սկզբնական մակարդակն է: Սիրող մակարդակին անցնելու համար խաղացողը պետք է ունենա առնվազն 50 հաղթանակ, հաղթանակների քանակը պետք է լինի պարտությունների և լքած խաղերի ընդհանուր քանակից ոչ պակաս, իսկ ռեյտինգը պետք է լինի առնվազն 7: Պրոֆեսիոնալ մակարդակին անցնելու համար պետք է ունենալ առնվազն 180 հաղթանակ, հաղթանակների քանակը պետք է լինի պարտությունների և լքած խաղերի ընդհանուր քանակից առնվազն 5% - ով ավելի, իսկ ռեյտինգը պետք է լինի առնվազն 30: Խաղամակարդակի բարձրացման դեպքում խաղացողին սպասվում է պարգև՝ VIP օրերի տեսքով:

Հաշիվը կարող է ժամանակավորապես արգելափակվել դիտավորյալ պարտության նշանների, անավարտ խաղերից պարբերաբար դուրս գալու կամ խաղի արդյունքը շահարկելու այլ փորձերի համար։ Համակարգը հաշվի է առնում կրկնվող վարքագիծը․ կապի մեկանգամյա տեխնիկական ընդհատումը, որից հետո խաղացողը վերադառնում է խաղ, խախտում չի համարվում։ Արգելափակման պատճառն ու ժամկետը ցուցադրվում են հաշիվ մուտք գործելիս։

Եթե Ձեր ձեռքում կա կոմբինացիա՝ թերզ, 50, 100 կամ հաշվվող 4 թուղթ, առաջին անգամ Ձեր քայլի ժամանակ խաղը առաջարկում է հայտարարել այն կամ հրաժարվել հայտարարումից: Եթե հայտարարում եք, բոլոր խաղացողները տեսնում են միայն կոմբինացիայի անունը: Կոմբինացիայի քարտերը բացվում են ավտոմատ՝ Ձեր երկրորդ քայլի ժամանակ, և միայն այն դեպքում, եթե Ձեր թիմի կոմբինացիան հաղթել է համեմատության մեջ: Բլոտ-ռեբլոտը հայտարարվում է ավտոմատ՝ երբ խաղում եք կոզրի Q կամ K քարտը:

Խաղը կիսատ թողնելու և լքելու դեպքում խաղը կհամարվի անավարտ լքված, իսկ տվյալը կգրանցվի Ձեր պրոֆիլի վիճակագրության մեջ:

Մրցաշարում նույն քանակությամբ միավորներ հավաքած մասնակիցներից ավելի բարձր դիրք է զբաղեցնում այն մասնակիցը, ով ավելի շուտ է միացել մրցաշարին:

Եթե Ձեր անունը փոխվել է «Player XXX», ապա այն իր մեջ պարունակում էր չթույլատրելի սիմվոլներ, բառեր կամ պարբերաբար կրկնվող տառեր:

Նույն համակարգչից կամ նույն ինտերնետային կապն օգտագործող տարբեր սարքավորումներից չի թույլատրվում միաժամանակ մուտք գործել կայք մեկից ավել պրոֆիլներով: Սա արված է խաղացողների կողմից արվող հնարավոր խաբեություններից խուսափելու համար: